'ಜಯಂ' ಸಿನಿಮಾ ಮೂಲಕ ಟಾಲಿವುಡ್ಗೆ ಇಬ್ಬರು ಸ್ಟಾರ್ಗಳ ಪರಿಚಯ ಆಗಿತ್ತು. ಅವರಲ್ಲಿ ಒಬ್ಬರು ಸದಾ ಮತ್ತೊಬ್ಬರು ನಿತಿನ್. ಸದಾ ಮೊದಲ ದಿನದಿಂದಲೇ ದಕ್ಷಿಣ ಭಾರತದ ಬಹು ಬೇಡಿಕೆಯ ನಟಿಯಾಗಿಬಿಟ್ಟರು. ತೆಲುಗು ಹಾಗೂ ತಮಿಳು ಭಾಷೆಯಲ್ಲಿ ಒಂದರ ಹಿಂದೊಂದು ಸಿನಿಮಾಗಳಲ್ಲಿ ನಟಿಸಲು ಆರಂಭಿಸಿದ್ದರು. ಅದರಲ್ಲೂ 2002ರಿಂದ ಸುಮಾರು ಐದಾರು ವರ್ಷ ತೆಲುಗು ಮಂದಿಯ ಫೇವರಿಟ್ ನಟಿಯಾಗಿದ್ದರು.
ಇದೇ ವೇಳೆ ಇಂದ್ರಜಿತ್ ಲಂಕೇಶ್ ನಿರ್ದೇಶಿಸಿದ 'ಮೊನಾಲಿಸಾ' ಸಿನಿಮಾ ಮೂಲಕ ಕನ್ನಡ ಚಿತ್ರರಂಗಕ್ಕೂ ನಟಿ ಸದಾ ಕಾಲಿಟ್ಟಿದ್ದರು. ಅದಾಗಲೇ ತೆಲುಗು ಚಿತ್ರರಂಗದ ಟಾಪ್ ನಟಿಯಾಗಿದ್ದ ಸದಾ ಕನ್ನಡಕ್ಕೆ ಬಂದಾಗ ರಾಜ ಮರ್ಯಾದೆ ಸಿಕ್ಕಿತ್ತು. ಈ ಸಿನಿಮಾ ಮೂಲಕ ಧ್ಯಾನ್ಗೂ ಒಳ್ಳೆಯ ಹೆಸರು ಬಂದಿತ್ತು. ಈ ಸಿನಿಮಾ ಮೂಲಕ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟ ಸದಾ ಕನ್ನಡಿಗರ ಫೇವರಿಟ್ ಆಗಿತ್ತು.
