'ಕಾಟೇರ' ಡೈರೆಕ್ಟರ್ ತರುಣ್ ಸುಧೀರ್ 'ಬನಾರಸ್' ಬ್ಯೂಟಿ ಸೋನಾಲ್ ಮಾಂಥೆರೋ ಜೊತೆ ವೈವಾಹಿಕ ಜೀವನಕ್ಕೆ ಕಾಲಿಡುತ್ತಿದ್ದಾರೆ. ಇಬ್ಬರ ಮದುವೆಯನ್ನು ಕಣ್ತುಂಬಿಕೊಳ್ಳುವುದಕ್ಕೆ ಅವರ ಅಭಿಮಾನಿಗಳು ಹಾಗೂ ಸ್ಯಾಂಡಲ್ವುಡ್ನ ಆಪ್ತರು ತುದಿಗಾಲಲ್ಲಿ ನಿಂತಿದ್ದಾರೆ. ಇದೇ ವೇಳೆ ಈ ಜೋಡಿ ತಮ್ಮ ಮದುವೆಯನ್ನು ವಿಶೇಷವಾಗಿ ಆಗುವುದಕ್ಕೆ ನಿರ್ಧರಿಸಿದೆ.
ಪ್ರೀ ವೆಡ್ಡಿಂಗ್ ಫೋಟೊಶೂಟ್ನಿಂದ ಹಿಡಿದು ಆಮಂತ್ರಣ ಪತ್ರಿಕೆವರೆಗೂ ಈ ಜೋಡಿ ಗಮನ ಸೆಳೆದಿದೆ. ಥಿಯೇಟರ್ ಒಳಗೆ ಫೋಟೊಶೂಟ್ ಮಾಡಿಸಿ, ಫಿಲ್ಮಿ ಜೋಡಿ ಅನ್ನೋದನ್ನು ಸಾಬೀತು ಮಾಡಿದೆ. ಇನ್ನೊಂದು ಕಡೆ ಪರಿಸರ ಸ್ನೇಹಿ ಮದುವೆ ಆಮಂತ್ರಣ ಪತ್ರಿಕೆಯನ್ನು ನೀಡಿ ಭೇಷ್ ಎನಿಸಿಕೊಂಡಿದೆ. ಈ ಕಾರಣಕ್ಕೆ ಎಲ್ಲರ ಗಮನವೀಗ ತರುಣ್ ಸುಧೀರ್ ಹಾಗೂ ಸೋನಾಲ್ ಮಾಂಥೆರೋ ಮದುವೆ ಮೇಲೆ ನಿಂತಿದೆ.
