ಸ್ಯಾಂಡಲ್ವುಡ್ನ ನಿರ್ಮಾಣ ಸಂಸ್ಥೆ ಕೆಆರ್ಜಿ ಕನ್ನಡದ ಹಲವು ಸಿನಿಮಾಗಳನ್ನು ನಿರ್ಮಿಸಿದೆ. ಹಾಗೇ ಸಾಕಷ್ಟು ಸಿನಿಮಾಗಳನ್ನು ನಿರ್ಮಾಣ ಕೂಡ ಮಾಡಿದೆ. ಇಂದಿಗೂ ಕನ್ನಡದಲ್ಲಿ ಬಹು ನಿರೀಕ್ಷಿತ ಸಿನಿಮಾ 'ಉತ್ತರಕಾಂಡ' ಸಿನಿಮಾಗೆ ಬಂಡವಾಳ ಹೂಡಿದೆ. ಕನ್ನಡ ಚಿತ್ರರಂಗದಲ್ಲಿ ಸದ್ದು ಮಾಡಿದ ಬಳಿಕ ಕೆಆರ್ಜಿ ಸ್ಟುಡಿಯೋ ಈಗ ಮಲಯಾಳಂ ಚಿತ್ರರಂಗಕ್ಕೆ ಕಾಲಿಟ್ಟಿದೆ.
ಕೆಆರ್ಜಿ ಸ್ಟೂಡಿಯೋಸ್ ಹಾಗೂ ಫ್ರೈಡೇ ಫಿಲಂ ಹೌಸ್ ಜಂಟಿಯಾಗಿ ಮಲಯಾಳಂ ಸಿನಿಮಾವನ್ನು ನಿರ್ಮಾಣ ಮಾಡುವುದಕ್ಕೆ ಮುಂದಾಗಿದೆ. ಇದು ಕೆಆರ್ಜಿ ಬ್ಯಾನರ್ ಕೈಗೆತ್ತಿಕೊಂಡಿರುವ ಮೊದಲ ಮಲಯಾಳಂ ಸಿನಿಮಾ ಕೂಡ ಹೌದು. ಸದ್ಯಕ್ಕೆ 'ಪಡಕ್ಕಳಂ' ಅನ್ನುವ ಸಿನಿಮಾ ನಿರ್ಮಾಣಕ್ಕೆ ಕೈ ಹಾಕಿದ್ದು, ಈ ಚಿತ್ರಕ್ಕೆ ಮುಹೂರ್ತ ಮೂಲಕ ಚಾಲನೆ ಸಿಕ್ಕಿದೆ.
